• 1
  • 2
  • 3
  • 4

Icelandair-hótelin

Starfsmannafélag Hafnarfjarðar er með samning um gistimiða fyrir félagsmenn sína sem gildir á veturna á  Icelandair-Hótelin. Um er að ræða eftirfarandi hótel: Icelandair hótel Akureyri, Hótel Hérað á Egilstöðum, Hótel Klaustur, Hótel Flúðir, Hótel Hamar Borgarnesi og Hótel Reykjavík Natura. Gistimiðinn  gildir sem hótel gisting fyrir 2 manna herbergi án morgunverðar.  Við bókun þarf að láta vita að um stéttarfélagsmiða sé að ræða. Sala er á orlofsvefnum okkar á veturna ekki sumrin.

 

reykjavik natura

Icelandair hótel Reykjavík Natura

Icelandair hótel Reykjavík Natura (áður Hótel Loftleiðir) er nýlega endurbætt 220 herbergja, fjögurra stjörnu hótel, staðsett í fallegu umhverfi Öskjuhlíðar og baðstrandarinnar í Nauthólsvík. Nafn hótelsins er innblásið af náttúrufegurð umhverfisins. Þar er að finna frábærar göngu-/hjólaleiðir ásamt fjölbreyttu dýralífi. Aðeins er um 20 mínútna gangur inn í miðbæ Reykjavíkur en fyrir þá sem vilja spara sporin bjóðum við fríar ferðir með Strætisvögnum Reykjavíkur - Strætó, fyrir hótelgesti.

 

reykjavik marina

Icelandair hótel Reykjavík Marina

Þetta nýstárlega og litríka hótel við Reykjavíkurhöfn er á fjórum hæðum og hýsir 108 glæsileg hótelherbergi, óhefðbundna fundaraðstöðu, kokteilbar, veitingasölu og kaffihús á Slippbarnum, líkamsræktaraðstöðu og bíósal. Hótelið er án efa það eina í heiminum þar sem hægt er að snerta skip í slipp, en aðalinngangurinn er gengt Slippnum sjávarmegin við húsið. Húsgögn og innréttingar eru sérsmíðaðar á Íslandi en hönnunin er  nútímaleg í bland við eldri muni úr nærumhverfi Slippsins.

akureyri
 

Icelandair hótel Akureyri

Icelandair hótel Akureyri er nýtt hótel sem var opnað á Akureyri 10. júní 2011. Hótelið býður upp á 100 glæsileg herbergi.

Á hótelinu er jafnframt glæsilegur veitingastaður og bar og tilvalið að njóta gómsætra veitinga í hótelgarðinum. Skemmtileg stemning myndast í hótelgarðinum þegar gestir snúa heim eftir ævintýri dagsins. Á Akureyri  er úrval afþreyingar, sundlaug og frábær líkamsræktarstöð er handan götunnar og fjölmargir veitingastaðir, kaffihús og barir í miðbænum. Í bæjarlandi Akureyrar eru fjölmargar göngu og hlaupaleiðir og auðvelt er að benda gestum á góðar 5- 10 km göngu- og hlaupaleiðir í nágrenninu á malbikuðum stígum. Í Kjarnaskógi og Naustaborgum er hægt að hlaupa á mjúkum skógarstígum. Safnamenning á Akureyri er rík en þar má nefna dúkku- og leikfangasafn, mótorhjólasafn og iðnaðarsafn sem segir sögu bæjarins í hnotskurn. Listasafnið á Akureyri hefur lengi verið með athyglisverðar sýningar og jafnframt er hægt að skipuleggja heimsóknir til listamannanna sem búa á Akureyri.

 

logo-herad

Icelandair hótel Hérað

Icelandair hótel Hérað er spennandi staður heim að sækja allt árið um kring. Veitingastaður hótelsins er fyrsta flokks og er mikil áhersla lögð á að bjóða upp á gott hráefni úr nágrenninu t.d hreindýr, villibráð og gæs. Á hverju hausti fær hótelstjórinn aðstoð fagmanna við að tína sveppi í skóginum, t.d lerkisveppi. Einnig er boðið uppá heimagerðra bláberja og -krækiberjasultu ásamt sírópi úr hrúta, -kræki og bláberjum sem er auðvitað tilvalið út á salatið. Brunchinn á sunnudögum er sá girnilegasti í bænum og gestirnir fara alltaf saddir og sáttir heim.

Normal 0 21 false false false IS X-NONE X-NONE MicrosoftInternetExplorer4

 

 

 

logo-klaustur

Icelandair hótel Klaustur

Icelandair hótel Klaustur er staðsett milli tveggja jökla á Suðausturlandi, heitasta svæði landsins. Á Klaustri er náttúrufegurð mikil og margt að sjá og gera á svæðinu. Í boði eru fjölmargar skipulagðar ferðir með leiðsögumanni auk þess sem stutt er í Þjóðgarðinn í Skaftafelli.

Icelandair hótel Klaustur er þriggja stjörnu hótel á yndislegum stað. Í boði er úrval glæsilegra herbergja þar sem lagt er upp úr gæðum og þægindum. Á hótelinu er notalegur bar og frábært veitingahús, þar sem boðið eru upp á veislu fyrir bragðlaukana.

Icelandair hótel Klaustur er staðsett á Kirkjubæjarklaustri en þar eru margar náttúruperlur og sögustaðir. Þú getur einnig notið þess að skreppa í sund eða á golfvöllinn sem er aðeins í 5 km fjarlægð.

Normal 0 21 false false false IS X-NONE X-NONE MicrosoftInternetExplorer4

 

logo-fludir

Icelandair hótel Flúðir

Icelandair hótel Flúðir er á Suðurlandi í aðeins klukkutíma fjarlægð frá höfuðborginni. Hótelið býður upp á glæsilega þriggja stjörnu gistiaðstöðu á einni hæð.

Eftir langan og viðburðaríkan dag er kjörið að dvelja á Icelandair hótel Flúðum og taka lífinu með ró. Framúrskarandi veitingastaður ásamt flottum bar í afslöppuðu umhverfi er hinn fullkomni staður til að njóta kvöldsins. Á veitingastaðnum er stórbrotið útsýni yfir fallega sveitina.

Á Flúðum getur þú valið um að liggja í bleyti í heita pottinum eða njóta fegurðar íslenskrar náttúru. Þekktustu staðirnir í nágrenni Flúða eru oftast kallaðir Gullni hringurinn (Golden Circle) og er þá átt við þjóðgarðinn á Þingvöllum og svo Gullfoss og hverasvæðið Geysi.

Njóttu þess að fara í laxveiði, skoða gróðurhúsin, fara á hestbak eða í flúðasiglingu niður Hvítá, þetta er aðeins brot af því sem þú hefur úr að velja til þess að gera dvöl þína sem ánægjulegasta.

 

 

 

logo-hamar

Icelandair hótel Hamar

Icelandair hótel Hamar er nýlegt og glæsilegt hótel á Vesturlandi á rólegum stað við golfvöllinn Hamar í þjóðleið rétt utan við Borgarnes (ca. 5 mín. akstur frá Borgarnesi). Hér er hægt að njóta kyrrðarinnar í sveitinni en öll þjónusta er þó innan seilingar. Útsýnið yfir Borgarfjörð er stórbrotið og veitingastaður hótelsins hefur getið sér gott orð fyrir frábæran mat og faglega þjónustu. Öll hótelherbergi eru með eigin útgangi út í hótelgarðinn og smá verönd. Herbergin eru vel útbúin og má þar nefna hita í gólfum sem heldur hita á gestum í hvaða veðri sem er.

Fáðu blóðið á hreyfingu, til dæmis með göngu á Hafnarfjall eða í golfi á einum besta velli utan Reykjavíkur. Eftir viðburðaríkan dag geturðu slakað á í einum af heitu pottunum okkar í hótelgarðinum.

 

 

 

 

 

STH var  að gera samning um gistimiða fyrir félagsmenn sína  á Icelandair-Hótelin. Um er að ræða eftirfarandi hótel: Icelandair hótel Akureyri, Hótel Hérað á Egilstöðum, Hótel Klaustur, Hótel Flúðir, Hótel Hamar Borgarnesi  og Hótel Reykjavík Natura. Gistimiðinn  gildir sem hótel gisting fyrir 2 manna herbergi án morgunverðar.  Við bókun þarf að láta vita að um stéttarfélagsmiða sé að ræða. Sala er á orlofsvefnum okkar .