Ný launakönnunn, kynbundinn launamunur meiri hjá sveitarfélögum en ríki

Á heimasíðu BSRB er fjallað um nýja launakönnun heildarsamtakanna fyrir árið 2013. Fram kemur að að meðal fólks í fullu starfi hafa konur innan bandalagsins að meðaltali 27% lægri laun en karlar. Meðallaun kvenna innan BSRB eru 346.724 krónur á mánuði á meðan meðal mánaðarlaun karla eru 474.945.
Kynbundinn launamunur á heildarlaunum fólks í fullu starfi innan BSRB mælist nú 11,4% samanborið við 12,5% á síðasta ári. Nokkuð breytilegt er hversu mikill kynbundni launamunurinn mælist eftir því hvort fólk starfar hjá ríki eða sveitarfélagi. Þannig mælist kynbundinn launamunur hjá sveitarfélögum nú 13,3% en 10,9% hjá ríkinu.
Capacent framkvæmdi könnunina fyrir BSRB fyrr á þessu ári en alls bárust 8639 svör sem gerir svarhlutfall upp á 53,4%.
Nánar er fjallað um afmarkaða þætti könnunarinnar hér http://www.bsrb.is/um-bsrb/frettir/frett/2013/09/03/Kynbundinn-launamunur-maelist-11-4-innan-BSRB/

Deila frétt

Close Menu