Athyglisverð áfangaskýrsla aðgerðarhóps um launajafnrétti

Aðgerðarhópur um launajafnrétti hyggst framkvæma rannsókn á launamun kynjanna á þessu ári og gefa út skýrslu um stöðu karla og kvenna á vinnumarkaði. Nú þegar hefur hópurinn skilað félags- og húsnæðismálaráðherra áfangaskýrslu með samantekt á nýlegum launakönnunum og umfjöllun um norrænt samstarf og fyrirmyndir að verkefnum.
Fram kemur í áfangaskýrslunni að staðalmyndir um konur og karla virðist ráða miklu um náms- og starfsval ungs fólks og því sé vinnumarkaðurinn enn mjög kynskiptur. Rannsóknir á kynbundnum launamun sýna mun frá 7-18% og eru niðurstöðurnar mismunandi eftir rannsóknaraðferðum, hópum og svæðum. Niðurstöður launakannanna eiga það þó allar sameiginlegt að sýna fram á óútskýrðan kynbundinn launamun. Nánari umfjöllun og áfangaskýrslu aðgerðarhópsins má nálgast hér: http://www.bsrb.is/um-bsrb/frettir/frett/2014/02/18/Afangaskyrsla-adgerdarhops-um-launajafnretti/

 

Deila frétt

Close Menu