Allir þurfa að leggja sitt af mörkum til að leysa kjaradeilu BSRB og sveitarfélaganna, segir formaður starfsmannafélags Hafnarfjarðar.
Bæjaryfirvöld víða um land skuldar fólki að það standi jafnfætis öðru í sambærilegum störfum.
Karl Rúnar Þórsson, formaður starfsmannafélags Hafnarfjarðar, var mættur í verkfallsvörslu ásamt félögum sínum. Hann sagði að allt hefði farið vel fram innan skólans og það hlyti að vera markmið allra að ljúka þessari deilu svo allir gætu snúið aftur til starfa. Auðvelt ætti að vera koma til móts við kröfurnar.
„Og ég segi það, að bæjaryfirvöld, landið um kring, þau skulda þessu fólki það, að það fái að standa á sama stað og annað fólk sem er í sambærilegum störfum í öðrum stéttarfélögum,“ segir Karl Rúnar.
