Kjaraviðræðum stéttarfélaga bæjarstarfsmanna vísað til ríkissáttasemjara

Image

Starfsmannafélag Hafnarfjarðar hefur í samstarfi 11 stéttarfélaga tekið þátt í sameiginlegum kjaraviðræðum stéttarfélaga bæjarstarfsmanna við Samband íslenskra sveitarfélaga sem vinnur að kjarasamningsgerð fyrir sveitarfélögin. Viðræðurnar munu nú fara undir verkstjórn ríkissáttasemjara og senda stéttarfélögin frá sér eftirfarandi tilkynningu:

Sameiginleg samninganefnd bæjarstarfsmannafélaga í BSRB hafa vísað kjaradeilu sinni til ríkissáttasemjara vegna viðræðna við Samband íslenskra sveitarfélaga. Viðræðurnar hafa staðið yfir í nokkra mánuði vegna endurnýjunar kjarasamninga sem taka til um 7000 félagsfólks í félögunum sem starfa um land allt. Samninganefndin telja fullreynt að ná samkomulagi milli aðila án milligöngu ríkissáttasemjara. Samhliða hefur BSRB farið fyrir sameiginlegum málum félaganna líkt og útfærslu á vinnutíma, þ.e. vaktavinnu og dagvinnu sem sést nú fyrir endann á en enn er langt á milli aðila þegar kemur að jöfnun launa milli markaða.

Starfsmenntasjóður

Fylltu út formið til að sækja um